![](https://eacnews.asia/uploads/images/430.jpg)
ខេត្តព្រះសីហនុ ជូនដំណឹងអំពីកាលបរិច្ឆេទចាក់វ៉ាក់សាំង Covishield (AstraZeneca) ដូសទី២ជូនប្រជាជន
ខេត្តព្រះសីហនុ : រដ្ឋបាលខេត្តព្រះសីហនុ នៅថ្ងៃទី០៥ ខែឧសភា ឆ្នាំ២០២១នេះ បានចេញសេចក្តីជូនដំណឹងអំពីការចាក់វ៉ាក់សាំងកូវីសែល (Covishield) សម្រាប់ដូសទី២ អាចចាក់បានក្នុងអំឡុងពេលពី៨ ទៅ១២សប្ដាហ៍ បន្ទាប់ពីការចាក់វ៉ាក់សាំងកូវឺសែល (Covishield) ដូសទី១។ យោងតាមពេលវេលាកំណត់អ្នកដែលបានចាក់វ៉ាក់សាំង កូវីសែល (Covishield) ដូសទី១ទាំងអស់ និងត្រូវដល់ពេលវេលាចាក់ដូសទី២ ជាបន្តបន្ទាប់នៅដើមខែឧសភា ឆ្នាំ២០២១នេះ។
រដ្ឋបាលខេត្តព្រះសីហនុ ជូនដំណឹងដល់ប្រជាពលរដ្ឋ សាធារណជន ដែលបានចាក់វ៉ាក់សាំងកូសែលដូសទី១រួច អាចទៅចាក់វ៉ាក់សាំងកូវីសែលដូសទី២គ្រប់ៗគ្នា នៅតាមទីតាំងដែលបានចាក់ដូសទី១ តាមកាលបរិច្ឆេទនៃការចាក់វ៉ាក់សាំងកូវីសែល (Covishield) ដូសទី២ និងត្រូវអនុវត្តវិធានការសុខាភិបាលចាំបាច់នានាដូចជា ការរក្សាគម្លាត សុវត្ថិភាពបុគ្គលចាប់ពី ១,៥ម៉ែត្រឡើង ពាក់ម៉ាស ការលាងសំអាតដៃជាមួយអាល់កុល ឬជែលជាប់ជាប្រចាំ៕